6月2日，下午請了假，去商台番份禮物，是I Love U Boys的公仔，之後去試做減肥機，結果被說服了，買了一個千幾蚊的course，其實我都覺得有需要gei，不過都幾肉痛，所以之後應該會更加提醒自己，唔好浪費呢千幾蚊^_^....之後搵Candy，一齊去加州紅唱K，由7點唱到11點......
6月3日，基本上當天在公司做過咩，唔係好記得，淨係記得好眼訓，放工，返屋企，當晚連受兩次刺激.......有d野原來自己仲未放低，菲比，我知你實炳我，所以呢個電話冇打出.....
6月4日，一身黑衫黑褲，由頭黑到落尾，完成一日的工作後，往維園去，吃了宜傢的熱狗+汽水套，之後再join番張律師的屋企人，步入維園，真係好多好多人，我就是那十五萬人中的一個，場面好壯觀，可惜我冇燭 :(... ，大約十點鐘散場，之後一直向北角方向行，間間餐廳都要排隊等位....最後在一間叫 "不見不散"的餐廳等了一陣位，當晚餐廳d order根本做唔切，而且仲好混亂.....返到屋企已經差唔多十二點
6月5日，星期五，多得律師的愛戴，吃了一餐自助餐，因為酒店價錢唔平，所以即使減肥中，也大吃一餐，返到屋企就肚痛了，莫非d蠔??? 唉，一星期食兩大餐自助餐，又有排減.....當晚掙扎了好耐，返唔返團契好呢，最後回家去了，晚飯冇食到就訓了....
6月6日，星期六，一早被電話嘈醒，返工就是等放工，律師放假......表姐話想做facial，結果約了7點鐘，佢幫我做左一個去死皮的facial，做完真係覺得有d唔同，尤其佢先做左半邊面俾我睇對比時...之後行左陣街，好歡喜地買左對新鞋....
6月7日，星期日，沒有媽媽在家，結果訓到差唔多十二點，之後去了柴灣游左陣水...之後去了大家樂吃了一個下午茶，超多人.......之後去了百佳買，因為唔知阿媽返唔返得切來，唔理三七廿一，買左先，結果當晚係我煮.....不過呢，碟菜好唔得，菜可能係最易煮，不過可能亦係最難煮得靚，結果當晚阿爸話燒炒蛋係最好味的 ^v^
Chatboard (0)